Балотели во свој стил: Фала му на Бога немам проблеми, ве предупредувам да не кажете некоја глупост!

Напаѓачот на Џенова, Марио Балотели (34) увери дека е во добра кондиција и тоа не е причината за малата минутажа што ја добива во тимот по доаѓањето на Патрик Виеира на тренерската позиција.

-Сакам да појаснам дека сум потполно здрав и фала богу немам проблеми. Ве предупредувам за ова во случај да се каже некоја глупост во иднина како што се случувало во слични ситуации во минатото. Бакнежи на сите и продолжете напред Џенова, напиша Балотели на својот профил на социјална мрежа.

Балотели дојде во Џенова на крајот на октомври како слободен играч. Во тој период,  фудбалерот учествуваше во шест натпревари во Серија „А“ каде помина 56 минути на теренот без да постигне гол.