Барса ја почна операцијата „Јусуф Мукоко“!

Јусуф Мукоко е избран како долгорочно решение за нападот на Барселона.

Жерар Ромеро денеска откри ексклузивна информација дека Каталонците ќе се преселат по одличниот напаѓач од Борусија Дортмунд, чиј договор истекува на 30 јуни.

Се шпекулираше дека Мукоко ќе потпише нов договор поради добриот однос со тренерот Един Терзиќ, но Барса може да го натера да се премисли.

Барса планираше да го доведе Мукоко веќе во зима, бидејќи сака да го продаде Мемфис Депај, но проблемот е што во јануари сепак ќе има проблем со финансискиот фер-плеј.

Поради тоа, клубот реши да стапи во контакт со Мукоко и да договори летен трансфер, кога тој ќе биде слободен на пазарот.

Мукоко има само 18 години, но тоа не му е проблем, бидејќи оваа сезона експлодираше со шест гола и исто толку асистенции на 22 натпревари за Дортмунд.

Мукоко игра на позицијата централен напаѓач, во Барса би имал идеален учител Роберт Левандовски, а не е исклучено Германецот повремено да игра на крило.