Барселона и Атлетико Мадрид го комплетираа трансферот на Луис Суарез

Уругвајскиот напаѓач Луис Суарез ја напушти Барселона по шест години.

Суарез остави голема трага во дресот на каталонскиот клуб и имаше договор на уште една година, но Роналд Куман му рече дека не смета повеќе на него. Уругваецот денес се прости од соиграчите и со солзи го напушти тренинг кампот на Барселона.

Истакнатиот новинар Фабрисио Романо објави дека Суарез повеќе не е официјално играч на Барселона бидејќи овој клуб го заврши неговиот трансфер во Атлетико Мадрид

Се очекува во наредните часови Атлетико Мадрид официјално да објави дека Суарез е новиот напаѓач на овој клуб бидејќи пред неколку дена ги договорија сите услови на договорот.

За Атлетико ова сигурно ќе биде големо засилување, додека на навивачите на Барса не им е јасно како можеа бесплатно да пуштат таков играч на својот директен ривал за титулата во Шпанија.

Luis Suarez deal has been also signed between Barcelona and Atlético Madrid. Luis told his team mates he’s gonna leave #FCB. Atléti are now prepared to announce soon their new signing. Confirmed. 🇺🇾 #Atleti #LuisSuarez https://t.co/GfEKKL6E9p

— Fabrizio Romano (@FabrizioRomano) September 23, 2020