Барселона потврди голем трансфер

Екипата на Барселона денеска го потврди договорот со Лидс Јунајтед околу трансферот на бразилскиот фудбалер Рафиња.

Рафаел Диас Белоли е 25-годишен фудбалер кој игра на позицијата крилен напаѓач и доаѓа во Барселона од Лидс, каде ги мина последните две години.

Барселона за услугите на овој фудбалер ќе му плати на англискиот клуб 58 милиони евра, а играчот ќе биде претставен откако ќе ги помине лекарските прегледи.

Agreement in principle with @LUFC for the transfer of Raphinha

— FC Barcelona (@FCBarcelona) July 13, 2022

Пристигнувањето на Бразилецот на Камп Ноу се очекува денеска.

Рафиња смени неколку европски тимови пред Лидс Јунајтед. Тој играше една сезона за Рен и Спортинг Лисабон, а две години за Виторија Гимараеш.

Овој 25-годишен фудбалер кариерата ја започна во Аваи, а треба да се напомене дека со каталонскиот гигант ќе потпише петгодишен договор.

Треба да се напомене дека покрај Рафиња, Барселона веќе ги доведе Франк Кесие и Андреас Кристенсен, а нов договор ќе потпише и Усман Дембеле.