Барселона сака двајца играчи на Челзи, но ќе ги доведе само под еден услов
Пред следната сезона Барселона прави своевидна револуција. Клубот се уште се бори да го доведе Роберт Левандовски од Баерн Минхен, а во меѓувреме работи на уште трансфери.
Сега е познато дека Каталонците се блиску до две засилувања во одбранбената линија. Станува збор за двајца играчи на Челзи.
Еден од нив е Цезар Аспиликуета, кој за лондонскиот клуб настапува од 2012 година. Договорот му истекуваше на крајот на јуни, но автоматски беше продолжен за уште една сезона.
Барселона би можела да го добие на слободен трансфер. Според експертот за трансфери, Фабрицио Романо, каталонскиот клуб сака трансферот да биде завршен што е можно поскоро. Клубот требаше да му понуди на играчот двегодишен договор со опција за продолжување на уште една сезона.
There’s a direct contact scheduled between Barcelona and Chelsea this week. Barça want to complete Cesar Azpilicueta deal as soon as possible, two year contract plus option for further season. 🔴🔵 #FCB
Marcos Alonso will be discussed too, he’s still hoping for Barça move. pic.twitter.com/TZLa54FiBq
— Fabrizio Romano (@FabrizioRomano) July 7, 2022
Блауграните исто така имаат за цел да го доведат неговиот колега од Челзи, Маркос Алонсо. Вториот Шпанец игра за Челзи од 2016 година и е под договор до 30 јуни 2023 година.
Во овој случај, Каталонците би требало да платат неколку милиони евра за шпанскиот дефанзивец. Неговата моментална пазарна вредност е 12 милиони евра. Двајцата играчи не ја кријат желбата да играат за Барселона.
Двата клуба сега се во прелиминарни преговори и Челзи треба да го прифати заминувањето на своите играчи.
Сепак, „сините“ од Лондон истакнуваат дека овие трансфери ќе бидат можни под еден услов – прво да најдат достојни замени за овие двајца фудбалери, па дури потоа да ги пуштат во Барселона.
