Барселона со голема победа против Атлетико Мадрид (ВИДЕО)

Последниот натпревар од 12-тото коло во Ла Лига меѓу Атлетико Мадрид и Барселона заврши со 1-2 во корист на Каталонците, кои сега освојуваат драгоцени три бода против директен ривал за титулата.

Натпреварот на „Метрополитано“ беше отворен уште во 9-тата минута, кога по брз контра напад и совршена комбинација меѓу Пабло Бариос и Хулијан Алварез, вториот асистираше за Џулиано Симеоне, кој го испрати топката во мрежата.

Во 26-тата минута, Алварез имаше одлична шанса да го зголеми резултатот, но Жоан Гарсија направи одлучувачка одбрана во завршницата.

Во 45-тата минута, Барселона израмни, кога Фермин Лопес постигна погодок со удар во шеснаесетникот. Првото полувреме на „Метрополитано“ заврши со 1-1.

Во 67-та минута, следуваше брз напад на Барселона во зоната на Атлетико. Ламин Јамал асистираше маестрално, а Фермин Лопес повторно го совлада Јан Облак.

Резултатот не се промени до крајот. Барселона ја прекина серијата победи на Атлетико од шест натпревари и победи со 1-2. Каталонците ја предводат табелата со 33 бодови. На второ место следи Реал Мадрид со 30 бодови, додека Атлетико Мадрид останува на трето место со 28 бодови.

Погледнете ги головите