Бејл му кажа на агентот кој е приоритет ова лето, навивачите на Реал Мадрид не се воодушевени

Герет Бејл сигурно ќе го напушти Реал Мадрид на крајот од оваа сезона.

32-годишниот фудбалер пристигна во Реал Мадрид во летото 2013 година од Тотенхем за 100 милиони евра, а имаше и неколку одлични сезони во кралскиот клуб со кои освои се што можеше.

Сепак, Бејл во изминатите неколку години не игра баш како што се очекуваше, поради што беше на удар на навивачите на Реал Мадрид кои го исвиркуваат секогаш кога ќе добие шанса за игра.

Бејл има договор со Реал Мадрид до крајот на оваа сезона и одамна е јасно дека летово ќе го напушти кралскиот клуб бидејќи Флорентино Перез сигурно нема да му понуди нов договор.

Навивачите на Реал едвај чекаат Бејл да си замине од клубот бидејќи сметаат дека повеќе не заслужува да го носи дресот на кралскиот клуб, но се чини дека ситуацијата е иста и со Велшанецот бидејќи е очигледно дека не е толку мотивиран.

Јасно е дека на Бејл нема да му биде тешко да најде нов ангажман, бидејќи кога е во репрезентацијата пружа одлични игри и јасно е дека едноставно му треба нов предизвик кој повторно ќе го мотивира.

Иако се шпекулира дека Бејл би можел да замине некаде надвор од Европа бидејќи има понуди од Кина, Катар и Америка, се чини дека Велшанецот се уште нема намера да замине со висока цена.

Имено, шпанските медиуми објавија дека Бејл му рекол на својот агент дека приоритет му е да остане во Шпанија и дека клубовите од Пиринеите ќе имаат предност при изборот на нов клуб.

Сеуште не е познато дали некој шпански клуб е заинтересиран за Бејл, но Марка наведува дека негова нова дестинација би можела да биде Севиља која и претходно се обидуваше да го донесе Велшанецот на позајмица.

Навивачите на Реал Мадрид не се воодушевени што Бејл има намера да остане во Шпанија, а на птиците на гранката веќе им е јасно какво „добредојде“ би му приредиле во случај на „Сантијаго Бернабеу“ да дојде во дресот на друг клуб.

Бејл во досегашниот дел од сезоната за Реал Мадрид одигра само седум натпревари во сите натпреварувања и успеа да постигне еден гол.