Берлускони уште вели „ние“ кога зборува за Милан

Се ближи дуелот помеѓу Монца и Милан во Серија А, а во центарот на вниманието ќе биде режисерскиот тандем на Монца, Силвио Берлускони и Адријано Галијани, кои беа архитекти на најголемите успеси на Милан.

Тие двајца го водеа Милан во најуспешниот период на клубот од 1986 до 2017 година. Сега се на чело на Монца, која за прв пат ја претставија во Серија А. Галијани сепак признава дека емоциите кон Росонерите сè уште постојат, особено кај Берлускони.

-Тоа ќе биде натпревар меѓу „ние“ и „ние.“ Ќе бидам во состојба на тишина и нема да мрдам ни мускул кога која било екипа ќе постигне гол. Претседателот сепак вели „ние“ за Милан – откри Галијани.

Сепак, не може да се негира дека легендарниот тандем заврши одлична работа во Монца откако ја презедоа во 2018 година.

– Првиот пат кога се сретнав со претседателот ми рече дека треба да сонувате големи работи. Ако сонувате за Скудетото, еден ден можете да го освоите. Ако размислувате само за опстанок, сигурно ќе пропаднете во одреден момент.

Преодниот рок откри голема разлика помеѓу англиските клубови и клубовите од остатокот на Европа, вклучувајќи ги и италијанските. Галијани истакнува дека на клубовите од Апенините тешко ќе се вратат на позициите кои ги заземаа во 90-тите години на минатиот век.

– Англиските екипи заработуваат три, четири пати повеќе од италијанските, што не беше случај порано. Ќе биде тешко да се вратиме на позициите кога италијанскиот фудбал беше најдобар во Европа.