„Беше смешна фарса“; Касано го критикува враќањето на Роналдињо во професионалниот фудбал

Роналдињо, на возраст од 46 години, се врати да игра официјален натпревар по 11 години, активирајќи се 45 минути за Равена во победата против Форли во италијанската трета лига. Враќањето на Бразилецот предизвика реакции, а Антонио Касано беше еден од најострите критичари.
„Сакам да кажам дека имам голема почит кон Роналдињо, како личност и како фудбалер. За мене, тој останува меѓу петте најголеми во историјата, заедно со Меси, Марадона, Роналдо и можеби Пеле“, изјави поранешниот напаѓач во емисијата „Вива Ел Футбол“.
Сепак, Касано не ја поштеди изведбата со Равена, клуб каде Бразилецот е малцински акционер и има пријателски односи со претседателот Игнацио Чипријани: „Тоа што го направи беше многу непријатно за гледање. На 46 години и во тие услови, што можеше да направи? Не сфатив. За мене беше смешна фарса. Можеби го направи поради пријателството со Чипријани и парите кои му беа понудени. Лично, не би го направил ниту за 10 или 20 милиони евра. Беше срамота“.



