Челзи започна преговори околу доаѓањето на Нејмар

Британските медиуми објавија дека фудбалскиот клуб Челзи започнал преговори со челниците на Пари Сен Жермен, се со цел да го ангажира Бразилецот Нејмар.

ПСЖ моментално има два големи проблеми, а тоа се Нејмар и Лионел Меси. Фудбалерите кои често се на прагот на заминување во моментов се, наводно, главната причина за лошата атмосфера во клубот.

PSG president Nasser al Khelaifi and Chelsea co-owner Todd Boehly had a secret meeting in Paris to discuss a potential transfer for Neymar, sources have confirmed to ESPN 👀 pic.twitter.com/7WzlaQSInH

— ESPN FC (@ESPNFC) February 16, 2023

Ситуацијата е уште полоша бидејќи тимот моментално е во игра и резултатска криза, а ПСЖ ги загуби последните три натпревари во низа. Најпрвин против Марсеј во домашниот куп 1:2, потоа во првенството против Монако 1:3 и на крајот на домашен натпревар, првиот осминафинален натпревар од Лигата на шампионите беше загубен од Баерн со 0:1.

Британските медиуми не наведоа колку Челзи е блиску до евентуално доведување на 31-годишниот Нејмар, но преговорите се потврдени.

Нејмар во кариерата играше за три клуба. Започна во бразилски Сантос, а потоа се пресели во Барселона, каде играше од 2013 до 2017 година. Потоа до денес е член на Пари Сен Жермен.