Човекот кој прв го најави трансферот на Меси сега има нова „бомба“

Француски „RMC Sport“ тврди дека Зинедин Зидан ќе го преземе ПСЖ најдоцна до лето.

Така барем велат нивните извори кои наведуваат дека Маурицио Покетино ги загубил сите заслуги, а соработката наскоро ќе биде прекината.

Ако успее да се спаси, тоа ќе биде до крајот на сезоната, а потоа ќе следуваат промени.

Даниел Риоло, новинарот кој прв го најави доаѓањето на Меси во ПСЖ, тврди дека Зидан сигурно ќе го преземе овој богат француски клуб и дека веќе нема дилеми.

Зидан го имаше последниот ангажман во Реал, а по заминувањето минатото лето повеќе не работеше во ниту еден клуб.

Зидан имаше понуда и од Манчестер Јунајтед, но ја одби под изговор дека чека работа во француската репрезентација. Селекторското место ќе биде достапно дури по Светското првенство и се чини дека Зидан би можел да му се врати на клупскиот фудбал.