Да, се случува – Каиседо не сака да оди во Ливерпул!

Фудбалерот на Брајтон, Мозес Каиседо нема да се пресели во Ливерпул иако двата клуба се договорија за рекордно обештетување.

Денеска објавивме дека понудата на Ливерпул од 110.000.000 фунти за Еквадорецот е прифатена од Брајтон, а во меѓувреме се закажани медицински прегледи.

Сепак, во текот на попладневните часови, Челзи повторно тропна на вратата на играчот, со кого Каиседо е во контакт од пролетта и од мај се договорија за личните услови.

Неговата желба е да се пресели на „Стемфорд Бриџ“, а не на „Енфилд“ и сега прашање е како ќе заврши оваа сага бидејќи Брајтон се двоуми со нови преговори.