Де Брујн имаше ноќ за паметење во Молине: Сити го декласираше Волс со четири гола на неверојатниот играч за врска

Во последниот натпревар од 33. коло на англиската Премиер лига, Манчестер Сити го совлада Вулверхемптон на Молине со убедливи 5:1.

Ова беше прекрасна ноќ за Кевин де Брујн. Белгиецот постигна четири гола и ги приближи Граѓаните до новата титула.

Де Брујн го отвори резултатот во седмата минута од натпреварот. Ја искористи одличната топка на Силва и погоди за 1:0.

Волците се враќаат четири минути подоцна. Дендонкер погоди за 1:1 во 11. минута, но радоста на домашните навивачи не траеше долго. Де Брујн во 16. минута погоди за 2:1.

Де Брујн во 24. минута постигна хет-трик. Овој пат со перфектен удар го совлада голманот на домашната екипа за предност на Сити од 3:1.

Со овој резултат тој се заминаа на одмор, а во 60. минута приказната беше завршена на овој натпревар. Кевин де Брујн повторно погоди за 4:1.

Избраниците на Пеп Гвардиола можеа да слават и со многу поголема разлика. Фоден и Де Брујн ја погодија рамката од голот, а Стерлинг промаши празен гол. Сепак, во 84. минута Стерлинг успеа да погоди за конечни 5:1 за Сити.

Граѓаните на две кола пред крајот се на три бода пред Ливерпул, а во следното коло тимот на Пеп Гвардиола ќе игра против Вест Хем.