Девојчињата удрени во Ѓорѓе Петров се всушност ракометарки на Вардар

Во сообраќајната несреќа која се случила синоќа во населбата Ѓорѓе Петров повредени се две девојчиња, кои всушност се ракометарки на ЖРК Вардар.

Според информациите возач на џип загубил контрола, откако друго возило му го пресекло патот, па удрил во автобуската постојка каде автобус чекале двете ракометарки.

Двете девојки се хоспитализирани, но информациите велат дека повредите не се опасни и дека се во стабилна и добра здравствена состојба. Наскоро ќе бидат пуштени дома.