Добра вест за Ливерпул пред утрешниот натпревар

Мохамед Салах се врати на тренинзите на Ливерпул пред нивната средба во Лигата на шампионите со Генк во среда.

Египетската sвезда ја пропушти средбата во неделата која заврши 1:1 против Манчестер Јунајтед поради повреда на глуждот, но сега е подготвен да се појави на средбата во ЛШ.

Ориги го зазеде местото на Салах на „Олд Трафорд“, каде доцниот погодок на Адам Лалана беше доволен за да го одржи непоразениот рекорд на „црвените“ во Премиер лигата, но не доволно за да се одржи рекордот на победи.

Изгледа дека 27-годишниот фудбалер, кој минатата сезона постигна 27 голови на 52 настапи, би можел да се врати во почетниот состав за натпреварот против Генк.