Дончиќ им купи на соиграчите 103 електрични велосипеди, потрошил околу 340.000 евра

Лука Дончиќ уште еднаш реши да ја преземе улогата на Дедо Мраз и да покаже зошто важи за еден од најомилените кошаркари каде и да игра.

Словенечката суперѕвезда со години е позната по тоа што несебично ги дарува своите соиграчи, стручниот штаб, но и бројни членови на клупската организација кои не се во прв план. Божиќ е време на дарување, а Дончиќ таа традиција доследно ја почитува од година во година.

Ни оваа година не беше поинаку, но овојпат Лука отиде и чекор понатаму. Дончиќ подели дури 103 подароци, практично на сите што работат во организацијата на Лос Анџелес Лејкерс. А оние што помислија дека станува збор за симболични подароци, сериозно се излажаа.