ТРАГЕДИЈА: Загина млад македонски кошаркарски тренер во сообраќајка на патот Кичево-Охрид

Во сообраќајна несреќа на патот Кичево–Охрид загина 33-годишниот кошаркарски тренер од Охрид, Антонио Савески. Несреќата се случила синоќа околу 23 часот, кога неговото возило најпрво удрило во кучиња скитници, а потоа во металните браници покрај патот. По ударот, возилото се запалило, а Савески починал на местото на несреќата.
Тој беше еден од познатите тренери во младинските категории, а последниот ангажман го имаше во клубот Ангели. Претходно работеше и во Вардар, Водно Санс и Охрид.