Драма во домот на фудбалерот на Челзи: Зел нож и им се спротивставил на крадците, спречувајќи кражба

Англискиот фудбалер Рахим Стерлинг минатата сабота доживеал голема непријатност во својот дом, во кој провалиле крадци.

Како што објави Sports Illustrated, Стерлинг со семејството се подготвувал да го гледа натпреварот на неговиот Челзи против Вулвс во Премиер лигата, кога слушнал звуци на влезната врата од куќата.

🚨🚨| NEW: Raheem Sterling has become a victim of a burglary at his home.

The incident took place on Saturday while Sterling was at home with his family.

Masked men tried to break in, but fled after Sterling armed himself with a knife to protect his family.

[@TeleFootball] pic.twitter.com/5zHbthT1tA

— CentreGoals. (@centregoals) November 11, 2025

Портпаролот на лондонската полиција во изјава објавена преку The Telegraph рекол: „Можеме да потврдиме дека Рахим Стерлинг беше жртва на грабеж во домот овој викенд. Исто така можеме да потврдиме дека тој и неговите деца биле присутни дома во тој момент.“

Британските медиуми известуваат дека Стерлинг им се спротивставил на крадците така што зел кујнски нож и успеал да ги истера од куќата, без да се украде нешто вредно.

„Иако станува збор за крајно кршење на приватноста и безбедноста, благодарни сме што можеме да потврдиме дека тој и неговите најблиски се безбедни. Ве молиме да се почитува приватноста на Рахим и неговите најблиски во овој тежок момент“, додаваат од полицијата.

Во Челзи се запознаени со инцидентот и му даваат поддршка на 30-годишниот играч, неговата долгорочна партнерка и нивното четиричлено семејство – едно од децата од претходна врска.

На теренот, иако е втор најплатен играч во тимот, Стерлинг во моментот не е дел од плановите на Челзи за првиот тим. Исклучен е од составот на Плавците од 25 играчи за Премиер лигата, оваа сезона не учествувал во ниту едно натпреварување и не изгледа дека има иднина на Стемфорд Бриџ, иако неговиот договор трае до 2027 година.