Два пенали и гол во судиското надополнување за три бода: Јувентус победи против Фиорентина

Јувентус победи со 3:0 на домашен терен против Фиорентина во 22 коло од Серија А.

Домашната екипа беше фаворит на овој натпревар, но тие дојдоа до победа на тежок начин, иако резултатот вели поинаку.

Два од трите гола ги постигна Роналдо и двата беа од белата точка. Во првото полувреме беше досуден пенал откако шутираше Пјаниќ, а еден гостински играч играше со рака.

Сигурно изведувач во 40-та минута беше Кристијано Роналдо. Истиот играч повторно постигна гол во 80-та минута и му донесе победа на својот тим.

Третиот гол во судиското надополнување од натпреварот го постигна дефанзивецот на Јувентус, Де Лихт, кој само ја потврди победата на Јувентус.

Тимот на Јувентус остана на првото место на табелата по ова коло и сега има шест бода повеќе од второпласираниот Интер, но има и натпревар повеќе.

Фиорентина, од друга страна, е на 14-то место со 25 бода.