Екипата е комплетна, но не се знае… Мурињо не ја исклучува можноста за изненадувања на трансфер пазарот

На прес-конференцијата пред наредниот натпревар со Реал Сосиедад, Жозе Мурињо зборуваше опширно за многу теми и прашања поврзани со играчите и клубот. „Особениот“ не можеше да избега од прашањата поврзани со трансфер пазарот.

За Мурињо, екипата е комплетирана, но трансфер пазарот е отворен и сè може да се случи. „За мене, тоа е завршена работа. Но, пазарот е отворен. Никогаш не знаеш што може да се случи.

Што ако некој играч ми каже дека сака да си оди затоа што го оставив на клупа две натпревари? Во принцип, не, и не знам дали претседателот или Хозе Анхел (Главниот извршен директор) ќе ме побара за некоја извонредна понуда. Според моето мислење, тоа е завршена работа. Ако некој си замине, нема да сум среќен; би сакал да ја задржам оваа екипа“, изјави Мурињо.