„Ел Класико“ ги оправда сите очекувања: Реал во срцето на Каталонија стигна до победа и ги посрамоти домаќините

Денес на стадионот „Камп Ноу“ се одигра првото Ел Класико во новата сезона, а Реал Мадрид успеа да ја победи Барселона со 3:1.

Иако на трибините немаше гледачи поради мерките против пандемијата на коронавирусот, фудбалерите обезбедија фантастична игра и сите што го гледавме на натпреварот покрај ТВ-екранот можевме да уживаме во вистински фудбал.

Беше јасно што не чека во петтата минута, кога Реал поведува. Бензема асистираше до Валверде, кој излезе пред Нето и го погоди голот во спротивниот агол. Само три минути подоцна гол и на другата страна. Младиот Ансу Фати погодува од непосредна близина по центаршутот на Жорди Алба од левата страна.

Домашната екипа имаше голема шанса во 24-та минута. Меси го мина Рамос и шутираше, но Куртоа одбрани. Неколку добри акции до крајот на првиот дел, но остана 1:1 до заминувањето во соблекувалните.

Во 51.минута, голема шанса, Фати шутираше по десната страна, но топката заврши покрај голот. Три минути подоцна, Фати повторно беше во центарот на вниманието, нафрлувајќи на втората статива од десно, Кутињо шутираше покрај левата статива на Реал.

Пресвртницата на натпреварот се случи во 61. минута. По судирот на Рамос и Ленглет во шеснаесетникот на Барселона, ВАР забележа дека Французинот изврши најстрога казна, а Рамос погоди од 11 метри за, како што се покажа, победата на Мадрид.

До крајот Барселона напаѓаше со сите сили, барајќи гол, но Реал беше поблизу до својот нов гол од опасни контранапади. На крајот на мечот, голманот на Барса, Нето се прослави со одбраните, бидејки фати неколку опасни удари. Дека сите во Барселона денес беа на тоа ниво … И додека Барса се обидуваше да стигне до бодот, Реал успеа да постигне трет гол. Лука Модриќ убаво ја смести топката во мрежата.

Ова е втор пораз на Барселона и со седум бода се наоѓа на 10-тото место, додека Реал Мадрид е лидер со 13 бода и сега е во сооднос од четири победи, едно реми и еден пораз.