Ељиф Елмас во исчекување на нов клуб – Фенербахче не е дел од плановите

Македонскиот фудбалер Ељиф Елмас, кој моментално е дел од германскиот РБ Лајпциг, би можел да ја промени средината во новата година поради ограничената минутажа во својот тим. Една од потенцијалните опции за негов трансфер, турскиот Фенербахче, веќе е исклучена.

Турските медиуми известуваат дека преку својот агент, Елмас го информирал раководството на клубот дека не е заинтересиран за враќање во Турција. Со оваа одлука, се стави крај на шпекулациите за негов кам-бек во тимот кој го предводи Жозе Мурињо.

Елмас беше дел од Фенербахче во периодот од 2017 до 2019 година, но сега се чини дека неговиот фокус е насочен кон италијанската Фиорентина. Овој клуб покажува сериозен интерес за да го врати „дијамантот“ во Серија А, каде што Елмас би можел повторно да блесне.