Елиот успешно опериран, познато е кога ќе се врати на теренот

Ливерпул викендов славеше на гостувањето кај Лидс Јунајтед со резултат 3:0, но „црвените“ скапо ја платија таа победа.

Мохамед Салах, Фабињо и Садио Мане погодија за новата победа на тимот од Енфилд, а натпреварот го одбележа страшната повреда на младиот фудбалер на Ливерпул, Харви Елиот.

По дуелот со Струјик, Елиот незгодно падна на теренот и веднаш почна да бара помош. Мохамед Салах, кој бил во близина, видел дека неговиот соиграч се здобил со тешка фрактура на ногата и од шок се фатил за главата и побегнал.

Фактот што немаше забавено снимање во преносот во живо најдобро покажува за каква повреда станува збор.

Младиот Англичанец брзо беше префрлен во блиската болница каде беше опериран, а првите предвидувања пристигнаа од Ливерпул кога ќе може да се врати на теренот. Според неофицијални информации, сигурно нема да го гледаме Елиот пред вториот дел од сезоната.

Навистина, тешко е за него кој неодамна се зацементираше во стартниот состав со Јирген Клоп.

Минатата сезона ја помина на позајмица во Блекбурн каде постигна седум гола и 11 асистенции.