Фотографијата на претседателот на Реал Мадрид со судијата предизвика големо внимание (ФОТО)

Д М24 дек 2020

Реал Мадрид ја победи Гранада со 2-0 во вчерашниот дуел од шпанската Ла Лига.

Сепак, по овој натпревар повторно се зборува за судењето, кое според мислењето, особено на навивачите на големиот ривал Барселона, повторно беше на страната на Кралевите.

Сомнителната ситуација се виде во судиското надополнување од првиот дел. Касемиро беше во дуел со играч на Гранада во казнениот простор, гостите бараа пенал, но судијата не одговори и покрај протестите на гостите.

ВАР ги прегледа снимките. Одлучено е дека нема контакт и Гранада остана без пенал.

Протестите на навивачите на Барселона се уште поголеми откако пред натпреварот видоа фотографија на претседателот на Реал Мадрид, Флорентино Перез, кој се поздравува со еден од судиите.