Фотографите го уловија Салихамиџиќ во разговор со ѕвездата

Баерн Минхен во голема мера преговара за нови договори со неколку фудбалери, меѓу кои и крилото Серж Гнабри.

Серж Гнабри е уште еден во низата играчи на Баерн кои сакаат поголема плата, а на клубот е да одлучи дали ќе му ја даде. Според Билд, 26-годишникот бара зголемување од 10 милиони евра на 20 милиони годишно.

Гнабри има договор до летото следната година. Преговорите со него се водат подолго време и не може да се најде заеднички јазик.

Преговорите ги води Хасан Салихамиџиќ, а денеска се одржа нова рунда. Избрана е интересна локација, па Брацо и фудбалерот на Баерн разговарале 15 минути во теретана.

Hasan Salihamidžić and Serge Gnabry held an intensive conversation of around 15 minutes in the gym today, which is an unusual place for such conversations. Usually they take place in Salihamidžić's office. It's quite possible the player's future was discussed briefly [📸 Bild] pic.twitter.com/vV7rR6shuy

— Bayern & Germany (@iMiaSanMia) April 10, 2022

Фотографите на Билд снимија моменти од разговорот. На фотографиите се гледа како Хасан Салихамиџиќ сталожено објаснува одредени работи на Гнабри.

Дали ќе успее да го убеди овој фудбалер да потпише нов договор и какви ќе бидат условите за евентуален договор, останува да видиме.

Серж Гнабри е член на Баерн од 2018 година. Тој одигра 165 натпревари и постигна 61 гол. Сезонава во 39 настапи има учинок од 14 гола и 10 асистенции.