Франсис Тринкао и официјално во англиската Премиер лига

Португалецот од Барселона кариерата ја продолжува во Вулверхемптон.

Вулверхемптон исто така официјално го претстави Португалецот како второ засилување оваа година. Тој доаѓа на заем.

Се верува дека договорот меѓу клубовите е таков што англискиот клуб има можност да го откупи неговиот договор на крајот на сезоната за 25 милиони фунти.

21-годишниот португалски репрезентативец минатата сезона одигра 42 натпревари за Барса и постигна три гола, но проценката на Роналд Куман и стручниот штаб е дека не им е потребен во сезоната 2021/22.

Пред него, Вулверхемптон го донесе колумбискиот дефанзивец Јерсон Москр. Францускиот лев бек Рајан Аит-Нури исто така треба да се приклучи на трајна основа за околу 10 милиони фунти, откако минатата сезона играше на позајмица во Молинеукс.

Our second summer arrival… #WelcomeTrincão

✍️🐺 pic.twitter.com/kq6da2S2jG

— Wolves (@Wolves) July 4, 2021