Го исмејуваа поради запуштениот стомак, а Азар сега ги шокираше сите со својата трансформација

Еден Азар пред три години како големо засилување пристигна во Реал Мадрид од Челзи, но после тоа неговата кариера доживеа огромен пад.

Азар не играше за Кралскиот клуб во изминатите три години и ги пропушти повеќето натпревари бидејќи имаше неверојатни проблеми со повреди откако потпиша за клубот.

Белгиецот не одигра премногу и оваа сезона, кој забележа само 23 настапи во сите натпреварувања и постигна само еден гол. Јасно е дека неговиот трансфер беше голем неуспех, но Азар се уште не се откажува.

31-годишниот напаѓач е решен да се докаже во Реал Мадрид бидејќи има уште двегодишен договор и нема намера да го напушти „Сантијаго Бернабеу“ ова лето.

Азар во претходните недели работеше напорно на формата откако конечно се опорави од повредата.

Многумина заборавија на Азар бидејќи речиси никогаш не играше на важните натпревари на Реал. Сепак, пред финалето на Лигата на шампионите тој беше во центарот на вниманието бидејќи навивачите на Реал беа воодушевени од тоа колку тој се посвети на враќањето на теренот.

Се гледа дека Азар конечно го реши проблемот со вишокот килограми и изгледа тоа беше од најдобрите денови додека блескаше во Челзи. Шпанските медиуми пишуваат дека Азар конечно е 100% подготвен и дека решил голем проблем со повредата на десниот зглоб.

Фотографијата од тренингот на Реал Мадрид ги воодушеви навивачите на овој клуб бидејќи Азар изгледа конечно физички е во одлична форма, а јасно е дека е решен да се докаже во Реал Мадрид, а многумина се надеваат дека повредите конечно ќе го заобиколат.