Го следеа многу големи клубови, „дијамантот“ на Германија ги изненади сите со последната одлука

Саид Ел Мала беше едно од најспоменуваните имиња ова лето. По фантастичната форма која ја покажа во минатата сезона со Келн, каде придонесе со 13 голови и 5 асистенции, 19-годишниот крилен играч го разбуди интересот на многу други тимови, особено на Борусија Дортмунд.

Сепак, попладнево Келн објави дека Саид Ел Мала го продолжи договорот до 2031 година и ќе го носи дресот со број 10.

“Се разбира, размислував за мојата иднина. Но, разговорите со одговорните во клубот беа одлични, чувствувам голема доверба и почит овде. Затоа останувам овде – сакам да имам добра сезона со клубот и нашите навивачи”, вели Ел Мала во видеото објавено на социјалните мрежи од Келн.