Ѓоковиќ: Ќе се вратам повторно на Австралија опен, а дали тоа ќе биде како активен играч, не знам!

Дваесет и четирикратниот шампион на Грен слем турнирите, Новак Ѓоковиќ, одговори дали планира повторно да игра на Австралија опен.

-Искрено, навистина не знам. Ме следите долго време – не се преправам, не играм улога и не го искривувам значењето. Го кажувам онака како што е. Последната година или година и пол велам дека не сум сигурен колку долго ќе играм и во кој формат. Реков дека би сакал да играм до Олимписките игри во 2028 година. Но, може да биде еден турнир годишно, десет, можеби 15. Или можеби два или седум. Навистина не знам. Навистина мислев на она што го кажав на теренот. Публиката ми даде незаборавни емоции во текот на последните два натпревара – какви што никогаш порано не сум доживеал тука. Мислам дека го заслужив тоа и искрено им се заблагодарувам на сите од дното на моето срце. Мислам дека ќе се вратам. Но, дали ќе ме видите тука како активен играч, времето ќе покаже, рече Ѓоковиќ на прес-конференција.

Вчера, Србинот загуби од Карлос Алкараз во финалето на Грен слемот во Мелбурн со 1:3 – по сетови 6:2, 2:6, 3:6 и 5:7.