Голем кикс на Наполи против Генк, Борусија ја собори храбрата Славија

Се одиграа првите два натпревари од второто коло од вечерашната Лига на шампиони.

Наполи, по голема победа против Ливерпул во првото коло, направи кикс во Белгија, ремизирајќи со Генк 0-0. Наполитанците беа малку поконкретни, но не можеа да ја претворат подобрата игра во победа.

Вице-шампионот на Италија сега има четири бода а Генк стигнува до првиот бод во Лигата на шампионите оваа сезона.

Генк – Наполи 0:0

Во Прага, Славија и Борусија Дортмунд го одиграа својот втор натпревар, а Милионерите славеа со 2:0. Двоен стрелец за германскиот тим беше Хакими, кој погоди во 35-та и 89-та минута од натпреварот.

Борусија сега има четири бода, додека Славија го запиша првиот пораз по фантастичниот прв натпревар и реми против Интер.