Голманот на Интер усмртил 81 годишен маж откако го удрил со автомобил!

Од Италија денес пристигнуваат трагични вести, откако, според неколку извори, меѓу кои и „Газета“, вториот голман на Интер, Жозеп Мартинес, учествувал во сообраќајна несреќа со смртен исход.

Имено, Мартинес утрово околу 09:40 часот, во близина на тренинг-центарот на Интер во Аппијано Џентиле, во областа Комо, управувајќи автомобил удрил во 81-годишен маж во инвалидска количка.

При ударот, 81-годишникот починал на самото место, иако итната помош и хеликоптерот што требало да го транспортираат во болница пристигнале многу брзо.

Според „Газета“, претпоставката на полицијата е дека постариот маж ненадејно свртел во лентата по која со своето возило се движел Мартинес.
Голманот на „неразурите“ веднаш застанал и му укажал прва помош на човекот, но за жал, спас немало.

По трагичната вест и како знак на жалост, Интер одлучи да ја откаже прес-конференцијата на тренерот Кристијан Киву, која беше закажана за денес во 14:00 часот.