Голманот на кадетите на Ангола доби награда, никој не верува дека има 16 години

Голманот на У17 репрезентацијата на Ангола Гелсон Дала (16) беше прогласен за најдобар играч на натпреварот во ремито (0:0) против Мали на отворањето на Африканскиот куп на нации за кадети, но неговата одлична партија во која забележа шест одбрани остана во втор план поради неговата фотографија со наградата.

Африканската фудбалска конфедерација објави фотографија од Дала со трофејот за најдобар играч, а социјалните мрежи веднаш „експлодираа“.

A complete performance from Gelson Dala earns him the TotalEnergies Man of the Match award. 👏🇦🇴@Football2Gether | #TotalEnergiesAFCONU17 pic.twitter.com/1CyhYslWwF

— CAF Online (@CAF_Online) May 14, 2026

Сите веднаш го коментираа изгледот на Дала бидејќи никој не верува дека станува збор за 16-годишник.

Дала настапува за младинските категории, а изгледа значително постаро од официјално пријавените 16 години.

Секако, не требаше долго време за навивачите да почнат со саркастични коментари.

„Веќе е ќелав?“, „Се пријавил на изводот од син му“, „Најстариот У17 играч во светот“, „Можеби мислеле дека игра за У71 екипа?“, „Зумирајте ја фотографијата и ќе видите дека има и седи влакна на главата“, „Овој ја памети и колонизацијата на Африка“, „Постар е од таткото на Јамал“, „Тој игра фудбал веќе 16 години“, „Неговата жена и децата сигурно се горди на оваа награда“ — се дел од најинтересните коментари на објавата на АФК на Твитер.