Готово е, Барселона е шампион, каков гол на Јамал, уште еднаш покажа дека е феномен (ВИДЕО)

Фудбалерите на Барселона официјално ја освоија својата 28-ма титула во шпанското првенство благодарение на победата од 2-0 во градското дерби против Еспањол. По првото полувреме без голови, Барселона поведе со чудесниот гол на Ламине Јамал во 53-тата минута од натпреварот, пред Фермин Лопез да го постави конечниот резултат во шестата минута од судиското продолжение, потврдувајќи ја титулата на Барса во шпанското првенство.

Да додадеме дека домашниот тим играше со играч помалку од 80-тата минута поради директен црвен картон доделен на Леандро Кабрера. Барса играше веројатно најубавиот фудбал оваа сезона и заслужено ја освои титулата најдобар тим во Шпанија. Каталонците на тој начин стигнаа до 85 бода од 36 одиграни натпревари, седум повеќе од второпласираниот Реал, кој теоретски повеќе не може да ги престигне. Од друга страна, Еспањол е 16-ти на табелата со 39 бода, пет повеќе од Леганес, кој е во зоната за испаѓање, па затоа би било потребно вистинско чудо за да завршат во Сегунда. Прославата на титулата може и треба да дојде во следната рунда кога Барса ќе го пречека Виљареал на Монжуик, додека Еспањол ќе гостува кај Осасуна.