Гранит Џака не игра против Македонија, се води постапка против него, фалсификувал сертификат за вакцина против Ковид-19

Гранит Џака нема да настапува за Швајцарија во наредниот период. Против него се води постапка во Швајцарија поради фалсификување сертификат за вакцинација против КОВИД-19.

Швајцарскиот медиум „Блик“ во саботата објави дека Џака се соочува со проблеми. Тие открија дека тој набавил лажен сертификат од лекар во Луцерн, во кој се тврдело дека е вакциниран против КОВИД-19, иако всушност не бил.

Претходно овој месец, властите го разоткрија лекарот, а името на Џака се појави во текот на пошироката истрага за нелегалната трговија со сертификати.

Играчот од средниот ред го призна делото и вели дека целосно соработува со швајцарските власти во истрагата. „Тоа беше моја грешка. Во тоа време имав голема недоверба. Длабоко жалам за тоа“, рече тој.

Џака ќе биде сослушан во Швајцарија на почетокот на октомври, поради што се повлече од следните четири натпревари на својата земја во Лигата на нации. Тој би можел да се соочи со огромна парична казна, а не е исклучена ниту условна затворска казна.

Во овој меѓународен термин, Швајцарија ќе игра против Македонија, Шкотска, Словенија, а потоа повторно против Македонија.

На 33-годишна возраст, Џака има одиграно 152 натпревари за Швајцарија и е капитен на репрезентацијата. Моментално настапува за Сандерленд, но најголемиот дел од кариерата го помина како играч на Арсенал.