Гвардиола го предизвика Клоп во изјава откако Салах беше прогласен за играч на годината

До крајот на сезоната во Премиер лигата ќе гледаме мртва трка за титулата меѓу Манчестер Сити и Ливерпул.

Ливерпул има многу добра сезона и Мохамед Салах повторно е главното „оружје“ во нападот на Ливерпул, па затоа е прогласен за играч на годината во Премиер лигата.

Тренерот на главниот ривал, Манчестер Сити, Пеп Гвардиола имаше иронична реакција кога слушна дека египетскиот напаѓач го добил ова признание.

„Јирген Клоп рече дека го имаат најдобриот голман во светот, дека го имаат најдобриот резервен голман во светот, најдобриот стопер, најдобриот заден играч од средниот ред, најдобриот напаѓач, па нормално е да ги освојат сите трофеи” рече Гвардиола.

🗣 "Jurgen said, they have the best keeper, the second-best second keeper in the world, the best central defender, the best holding midfielder, the best striker, so it's normal they win all the awards."

Pep Guardiola on Mo Salah winning FWA Footballer of The Year pic.twitter.com/r1H68ouAFr

— Football Daily (@footballdaily) April 29, 2022

Во моментов Манчестер Сити е водечки во Премиер лигата, со бод повеќе од Ливерпул на пет кола до крајот. Граѓаните имаат 80, а црвените 79.

Мохамед Салах е во одлична форма и игра уште една фантастична сезона. 29-годишниот напаѓач има 30 гола и 14 асистенции на 44 официјални натпревари оваа сезона.

Во елитната класа на англискиот фудбал на 31 одигран натпревар постигна 22 гола со 13 асистенции.