Гвардиола конечно делумно објасни зошто го избркал Ибрахимовиќ од Барселона

Пеп Гвардиола и Златан Ибрахимовиќ имаа голем конфликт во Барселона пред десет години, а двајцата воопшто никогаш не зборуваат за тоа.

Ибрахимовиќ пристигна во Барселона како големо засилување во летото 2009 година од Интер и играше одлично во каталонскиот клуб, но по зимската пауза тој едноставно се „загуби“ од составот.

Гвардиола преку ноќ одлучи дека Ибрахимовиќ веќе не е во почетниот состав, а Лионел Меси го зазеде своето место на врвот на нападот, што тогаш на никој не му беше јасно зошто Пеп решил така.

Ибрахимовиќ со години жестоко го обвинуваше Гвардиола за тоа што му го стори, а најмногу се нервира што тогашниот тренер на Барселона никогаш не му објаснил зошто го продал после само една година.

Сепак, во интервју за шпанските медиуми, Гвардиола за прв пат зборуваше за таа сезона. Тој рече дека едноставно Барселона играла подобро со Меси на местото на „лажна деветка“ и дека ова било предност за клубот.

„Нема играч кој не размислува да игра одбрана, но клучно е за вас да се прилагодите на квалитетот на вашите играчи. Барселона започна да игра значително подобро кога Михаел Лаудруп играше на позицијата „лажна деветка“, а истото се случи кога Лео го презеде место“, рече Гвардиола, но потоа умешно го избегна прашањето дали ова се однесува на времето кога Ибрахимовиќ играше во Барса.

Тогаш, Гвардиола за прв пат го искористи Меси во „лажна деветка“ позиција, што беше клучно за Ибрахимовиќ, кој никогаш не се врати во почетната постава.