Ханси Флик ги соопшти неговите барања до Барселона!

Тренерот на Барселона, Ханси Флик, според пишувањата на медиумите во Шпанија, ги составил трансфер-приоритетите на неговиот тим за следната година.

Во разговор со спортскиот директор Деко, Флик објаснил дека е потребно засилување на три клучни позиции, а тоа се: лев стопер, крилeн напаѓач и класична „деветка“.

Најголем приоритет е доведувањето лево стопер. Заминувањето на Ињиго Мартинес минатото лето остави празнина, а Флик смета дека недостигот од таков профил играч е еден од најголемите тактички хендикепи оваа сезона.

На листата на желби се наоѓаат Гонсало Инасио, Џејсон Муриљо, Нико Шлотербек, Луис Бенедети и Марк Гуеји, кој во јуни станува слободен играч.

Како идеални решенија се споменуваат и Алесандро Бастони од Интер, како и Шлотербек од Борусија Дортмунд, кој поради отштетната клаузула од околу 60 милиони евра е финансиски подостапна опција.

Исто така, неопходни се засилувања и во нападот. Бидејќи Роберт Левандовски влегува во последната година од договорот и наскоро ќе наполни 38 години, клубот активно бара долгорочно решение. Многу високо се цени Хулијан Алварес, но неговата ситуација во Атлетико Мадрид го комплицира потенцијалниот трансфер. Хари Кејн, со откупна клаузула од 65 милиони евра, исто така е реална опција, а се следат и алтернативи како Серу Гирасие и Ете Ејонг.

На мета е и поливалентен крилен играч кој може да ги покрие двете страни на теренот, а како една од можностите се споменува Маркус Рашфорд, кој моментално е на позајмица во Барселона од Јунајтед, а чија цена би можела да изнесува околу 30 милиони евра. Во клубот веруваат дека падот на формата на некои од клучните играчи, како Дани Олмо, Жил Кунде, Кубарси и Ламине Јамал, делумно е последица на неурамнотежениот состав.