„Игуаин останува во Јувентус до крајот на договорот“

Откако „Скај Италија“ објави дека Гонзало Игуаин се враќа во Аргентина поради болна мајка, брзо пристигна демант.

Неговиот татко Хорхе изјави дека тоа не е точно, и дека големиот напаѓач планира да остане во Јувентус до крајот на договорот.

„Сè што е кажано претходно не е точно. Можам да ви кажам дека Гонзало ќе остане во Јувентус и целосно ќе го почитува договорот“.

Неговиот договор важи уште една и пол година.

„После тоа, тој ќе одлучи што понатаму. Тој ќе биде господар на неговата судбина. Тоа е реалноста“.

Тој истакна дека знае колку многу навивачите на клубот од Торино го сакаат неговиот син.

„Фановите го сакаат онолку колку што и тој ги сака нив, но и самиот клуб“.

Аргентинецот досега има одиграно вкупно 34 натпревари оваа сезона, постигнувајќи осум гола и исто толку асистенции.