Им продале 5.000 пива, па повикале полиција да ги избрка

Англиски навивачи биле изведени од барот Лондонер во Далас вечерта пред натпреварот Англија – Хрватска на Светското првенство. По неколкучасовно славје, локалот бил преполн. На влезот било наведено подолго работно време, но околу 22 часот по локално време на присутните им било наредено да излезат, а полицијата пристигнала на барање на персоналот.

Според полицијата, објектот морал да затвори порано затоа што бил пречекорен дозволениот капацитет. На лице место имало само двајца припадници на обезбедувањето, што било недоволно за бројот на гости.

England fans are asked to leave by Dallas Police at the Londoner Pub on Mockingbird Lane, Dallas, ahead of England’s opening game on Wednesday against Croatia in the FIFA World Cup 2026. pic.twitter.com/9vS1fZzwLF

— Mirror Football (@MirrorFootball) June 17, 2026

Дел од навивачите ја испочитувале наредбата и останале на улица повеќе од еден час, каде што продолжиле со песна и дури играле фудбал. Други се качиле на балконот над локалот, а на снимки од социјалните мрежи се гледа како летаат саксии со цвеќе.

Локалните медиуми јавуваат дека пред посетителите да бидат изведени, барот продал 2.352 шишиња пиво и повеќе од 5.000 точени пива, при што приходите за само неколку часа ја надминале сумата од 30 илјади фунти.

England has officially arrived in Dallas

The Londoner 📍 pic.twitter.com/HquhYRWS1I

— Dallas Texas TV (@DallasTexasTV) June 17, 2026

Додека навивачите биле на улица и на балконот, во околината биле распоредени повеќе полициски возила. Ситуацијата била внимателно следена без посериозна интервенција, а по околу половина час полицијата се повлекла. Дел од гостите потоа им помогнале на вработените да го исчистат и подредат објектот.