Имане Келиф пречекана како херој во Алжир: Сите тие напади даваат посебен шмек на победата (ВИДЕО)

Олимписката боксерска шампионка Имане Келиф доби фантастичен пречек во родниот Алжир, откако го освои златниот медал во Париз среде многу контроверзии. Алжирската освојувачка на златен медал во бокс во полутешка категорија синоќа пристигна во главниот град на нејзината земја заедно со другите освојувачи на медали како што се гимнастичарката Кајлија Немур и тркачот Џамел Сеџати.

Приемот го организираше министерот за спорт Абдерахман Хамад, а до крајот на неделата трофејните олимпијци од Алжир ќе се сретнат и со претседателот Абделмаџид Тебуне. Келиф стана една од главните приказни на Олимписките игри во Париз откако нејзината ривалка Анџела Карини се повлече во првата минута од нивната борба. Италијанката низ солзи изјави дека никогаш не добила толку силен удар.

🚨Première déclaration d’Imane Khelif sur le sol Algérien :

« Tout d’abord, je remercie Allah pour ces résultats. Nous sommes très contents d’être là avec Djamel et Kaylia en présence de nos familles. C’est une joie immense de vivre ça. »#ImaneKhelif pic.twitter.com/yMx1ZNBFPG

— Algérie Football Média 🇩🇿 (@DZFOOTBALLDZ) August 12, 2024

Јавноста потоа „експлодирала“, меѓу кои и бројни познати личности, ја доведувале во прашање нејзината соодветност и лажно тврдејќи дека е машко поради вишокот тестостерон.

-Осум години ова беше мојот сон, а сега сум олимписки шампион и освојувач на златен медал. Сите овие напади му даваат посебен шмек на мојот успех“, изјави Келиф пред насобраните навивачи.