Интер започна со убедлива победа во првото коло, спектакл против Монца (ВИДЕО)

Интер ја започна новата сезона на добар начин, победувајќи со 4-1 против Монца во првиот натпревар, одигран на “Сан Сиро”.

Црно-сините одлично го започнаа натпреварот, постигнувајќи гол во 6-тата минута преку Хакан Чалханоглу. Турчинот постигна спектакуларен гол со десната нога од далечина, по асистенција од Анди Диуф. ГЛЕДАЈ ГОЛОТ

Во 26-тата минута, Интер му се приближи на вториот гол, но ударот на Николо Барела се одби од стативата.

Во 29-тата минута, Густаво Варела го доби дуелот со одбраната на Интер и топката ја испрати во мрежата на Жосеп Мартинез. Првото полувреме заврши 1-1. ГЛЕДАЈ ГОЛОТ ЗА ИЗЕДНАЧУВАЊЕ

Второто полувреме целосно му припадна на Интер. Пјотр Зјелински го постигна водечкиот гол во 48-та минута, откако голманот на Монца несмасно го одби ударот и Полјакот со лесен удар ја испрати топката во мрежата. ГЛЕДАЈ ГОЛОТ

Франческо Пио Еспозито го постигна третиот гол со финта во 54-тата минута, по асистенција на Анди Диуф. ГЛЕДАЈ ГОЛОТ

Во 65-тата минута, Јан Бисек, откако убаво продре во зоната, го постигна четвртиот гол со силен удар со левата нога. ГЛЕДАЈ ГОЛОТ 4

Во другиот натпревар, Удинезе и Комо одиграа 1-1 во дуелот одигран на Фриули. Хасане Камара постигна гол за домаќините во првото полувреме. Анастасиос Дувикас израмни за гостите во второто полувреме.