Ираола: Имаме недостатоци во одбраната, но ќе се справиме со нив, младите заблескаа во пријателските натпревари

Плановите за трансфери на Ливерпул остануваат непроменети и покрај повредата на Џо Гомез и недостатокот на опции што моментално ги има на располагање Андони Ираола. Нивниот моментален приоритет е да доведат крилен напаѓач, а не централен дефанзивец.

Повредата на Гомез се смета за краткотрајна, при што тренерот Ираола предвидува дека тој нема да пропушти многу повеќе од нивниот прв натпревар против Њукасл. Вирџил ван Дајк, откако се врати од одмор по Светското првенство, ќе тренира во Ливерпул.

Џовани Леони сѐ уште се опоравува од повреда на предниот вкрстен лигамент што ја заработи на почетокот на минатата сезона, додека новиот потпис Џереми Жаке се подготвува да го одигра својот прв предсезонски натпревар против Лидс вo недела.

Ираола призна на денешната прес-конференција дека Ливерпул моментално има малку опции во одбраната, но беше позитивен за настапите на младинците Лук Чејмберс, Ифеани Ндукве и Мор Тала Ндиај, кои ги замениле првотимците за време на предсезоната.

„Ги видовте овие натпревари, ние сме многу малку на позицијата централна одбрана. Сѐ уште го немаме Вирџил. Единствените вистински централни дефанзивци што ги имаме сега се Мор и Ифи, кои имаат по 18 години, штотуку пристигнаа во клубот и играат извонредно“, рече Ираола.

„Треба да продолжиме додека не закрепнат некои повредени играчи. Мислам дека Џереми е подготвен и ќе го рехабилитираме Вирџил. Јас сум среќен што играјќи во пријателските натпревари со 18-годишни централни дефанзивци тимот покажа смиреност и стабилност во одбраната“, рече Ираола.