Италијанската 19-годишна пливачка направи чудо на Европското, постави светски рекорд на 50м грбно

Италијанската пливачка Сара Кертис, на натпреварите од Европското првенство во пливање кое се одржува во Париз, постави нов светски рекорд во дисциплината на 50 метри грбно.

19-годишната доминираше во полуфиналето на 50 метри од овој стил, завршувајќи како прва во својата квалификациска група и поставувајќи нов светски рекорд. Таа постигна време од 26,63 секунди.

Кертис го подобри за 23 стотинки претходниот светски рекорд на Австралијката Кајли МекКеон (26,86), поставен во октомври 2023 година во Унгарија.

„Лудило е, не знам што да кажам. Можеби ова е мојот животен сон. Реков, ‘ќе пливам оваа трка и ќе притиснам до последниот метар’, затоа сум среќна”, изјави Кертис.