Италијански тренер: Само Интер може да го запре Јувентус

Марчело Липи смета дека Интер е единствениот клуб што може да го запре Јувентус во трката за титула во Серија А оваа сезона. Италијанскиот тренер вели дека италијанската елитна лига стана попривлечна.

Јуве и Интер триумфираа на нивните соодветни дуели овој викенд во Серија А, па само еден бод ги одвојува на табелата по 13 седмици.

Липи, кој ги тренираше двата клуба, го поздравува ваквото сценарио, дури и ако очекува дека има само еден победник.

„Многу е добро затоа што, се разбира, го направи почетокот на сезоната толку многу попривлечен. Мислам дека ќе биде така до крајот “, изјави Липи за „Кориере дело Спорт“.

„Во август мислев дека ќе има три екипи, но Наполи не игра на очекуваното ниво и ќе биде многу тешко да ги стигне“, додаде тој.

„Првенството ќе биде поотворено од претходните години и ова е многу добра работа за италијанскиот фудбал“, рече тој.