Италијанците беа изненадени кога слушнаа како Погба ќе го открие името на новиот клуб
Францускиот репрезентативец Пол Погба наскоро би требало да го открие името на новиот клуб.
Погба по шест години реши да го напушти Манчестер Јунајтед откако му истече договорот, а не успеа да се договори со „црвените ѓаволи“ за продолжување на соработката.Играчот од средниот ред одлучи дека е време за нов предизвик во кариерата, а наскоро треба да го објави името на новиот клуб.
Погба имаше понуда да ја продолжи кариерата во Манчестер Сити која ја одби бидејќи очигледно решил да се врати во Јувентус. Наводно се договорил со Старата дама и договорот ќе биде потпишан на почетокот на јули.
Французинот најдобрите денови во кариерата ги помина во Јувентус, а за него немаше дилеми кога ќе потпише откако пристигна понудата на Старата дама.
Сепак, италијанските медиуми пишуваат дека Погба решил на интересен начин да го открие името на новиот клуб, а наводно тоа ќе го направи во петок кога ќе ги реши сите дилеми околу својата иднина.
Наводно, Погба во својот документарен филм „The Pogmentary“ што се емитува на Амазон во петок ќе открие дека се враќа во Јувентус и ќе објасни зошто решил да се врати во клубот од Торино.
🚨 Paul Pogba will reveal the reason he is re-joining Juventus in his new Amazon documentary coming out on Friday: #ThePogmentary.
(Source: @ESPNFC) pic.twitter.com/jEkDqk8dcq
— Transfer News Live (@DeadlineDayLive) June 15, 2022
