Јамал кога ќе наполни 18 години добива нов договор, но и број на дресот кој го носеше најдобриот!

Крилниот напаѓач на Барселона, Ламин Јамал ќе потпише нов договор со каталонскиот тим, објавија шпанските медиуми.

Се очекува тоа да се случи во средината на јули, кога фудбалерот ќе наполни 18 години. Покрај тоа, Јамал ќе го промени својот број на дресот. Следната сезона ќе игра под бројот 10, кој моментално му припаѓа на Ансу Фати. Претходно под бројот 10 за Барселона играа Лионел Меси, Роналдињо и Диего Марадона.

Јамал дебитираше за главниот тим на Барселона во 2023 година. Оваа сезона одигра 54 натпревари во сите натпреварувања, постигнувајќи 18 гола и 25 асистенции. Неговиот актуелен договор е до летото 2026 година.

Претседателот на Барселона, Жоан Лапорта потврди дека Јамал веќе ја прифати понуда за нов договор. з