Јунајтед го сака Пепе во Олд Трафорд

joie de Nicolas Pepe (Losc) apres son but FOOTBALL : Lille vs Lyon - Ligue 1 Conforama - 01/12/2018 JBAutissier/Panoramic PUBLICATIONxNOTxINxFRAxITAxBEL

Офанзивецот Николас Пепе од француски Лил е во плановите на норвешкиот тренер на Манчестер Јунајтед Оле Гунар Солскјаер, за засилување на нападот на „црвените ѓаволи“.

Според „Лондон ивнинг стандард“, Солскјаер едвај чека да конкурира за потписот на 24-годишната ѕвезда од Брегот на слоновата коска, за кого се заинтересирани и директните ривали во Премиер лигата – Ливерпул и Арсенал, но исто така и германскиот Бајерн од Минхен.

Пепе во изминатата сезона постигна 23 голови во 41 натпревар со што му помогна на Лил да се искачи на второто место во Лига 1, веднаш зад ПСЖ.

Инаку, францускиот вицешампион за услугите на неговиот напаѓач бара околу 70 милиони евра, што значи дека во игра за младиот офанзивен играч остануваат само големите и богати клубови на Европа.