Јувентус бесплатно го зема играчот за врска од Милан

Милан изгледа ќе загуби уште една ѕвезда бесплатно, за жал. По Донарума и Чалханоглу, кои заминаа минатото лето, сега на ред е Франк Кеси.

Но, каде може да оди играчот од средниот ред со прекарот „претседател“? Не надвор од Серија А.

„Белите“ веќе размислуваат за следното лето каде голема мета за средниот ред ќе биде Франк Кеси. Договорот на фудбалерот на Брегот на Слоновата Коска е при крај, обновувањето со Милан изгледа многу далеку.

Уште од јануари се зборуваше за сензационален удар за Јувентус, но белите работат за лето, за да го добијат бесплатно. По Закариа и Локатели, продолжува реконструкцијата во средниот ред на „Старата дама“.