Кајлијан Мбапе ја заврши сезоната на најдобар можен начин

Мбапе ја доби наградата за најдобар француски фудбалер во 2019 година.

Кајлијан Мбапе ја затвора 2019 година на најдобар можен начин.

Откако извојува повеќе награди во 2019 година и трофеи со ПСЖ и имаше фантастична сезона, една од најдобрите во неговата кариера – тој сега доби уште едно признание.

Тој е избран од „Франс Фудбал“, магазинот што ја дава и „Златната топка“, како најдобар француски фудбалер на годината што ја оставаме зад себе, оставајќи ги зад себе играчи како Антоан Гризман, Пол Погба и други.

Тој вели дека не го променил тоа што бил и дека секогаш се труди да го даде најдоброто на теренот и да биде клучен за ПСЖ.

Мбапе ветува многу повеќе, има само 21 година и веќе има постигнато над 120 голови во над 200 натпревари во кариерата.

За него се гледа како потомок на Лионел Меси и Кристијано Роналдо.