Кансело: Ако не дојдев во Барселона, немаше да играм една година!

Жоао Кансело пристигна во Барселона во понеделник, на 17 август, за да игра со тимот каде што сакаше да се врати по секоја цена. Тој дури признава дека ќе стоел вон терените за една година ако ништо не се случеше со клубот „блауграна“.

Со пристигнувањето на шпанска територија, португалскиот бек рече дека е многу среќен што се враќа на место кое толку добро го познава и откри разговорот што го имал со Деко, спортскиот директор на Барселона.

„Мислев дека ќе биде полесно, но на крајот беше комплицирано. Но, сум таму каде што сакам да бидам. Се тренирав една недела настрана. Не е лесно за еден играч да не игра. Му реков на Деко дека или ќе дојдам тука или ќе останам таму една година без да играм за да ја земам мојата плата“, рече 32-годишникот.

Ал Хилал првично имал намера да побара меѓу 10 и 15 милиони евра за да го одобри неговото заминување. „Најважно е што сум среќен, што моето семејство е среќно. Ова е местото каде што сакам да бидам“, додаде тој.

„Многу ми се допаѓа овој клуб. Тоа е многу посебен клуб, со кој се идентификувам многу. Сум тука за да помогнам и се надеваме дека ќе освоиме многу титули. Градиме добар тим“, изјави Жоао Кансело.